Бо мақсади баланд бардоштани маърифати ҳуқуқии шаҳрвандон, пешгирии мушкилоти мавҷуда дар раванди муҳоҷирати меҳнатӣ ва мусоидат ба муҳоҷирати бехатару қонунӣ, бо шаҳрвандони аз муҳоҷирати меҳнатӣ ба Ватан бозгашта дар Ҷамоати шахраки Тус суҳбату вохӯрӣ баргузор гардид.
Дар рафти суҳбат муайян гардид, ки аз ҷумлаи мушкилоти онҳо сари вақт ба қайд нагирифтан дар маҳалли фаъолияти меҳнатӣ ва надонистани забони давлати қабулкунанда мебошад. Таъкид карда шуд, ки риояи талаботи қонунгузории давлати қабулкунанда, сари вақт ба расмият даровардани ҳуҷҷатҳои зарурӣ ва донистани забони он аз омилҳои муҳими ҳифзи ҳуқуқу манфиатҳои муҳоҷирони меҳнатӣ ба ҳисоб мераванд.
Ҳамзамон, ба шаҳрвандони бозгашта ва дигар ҷавонони деҳа оид ба интихоби дурусти роҳи муҳоҷирати меҳнатӣ, омӯзиши забонҳои хориҷӣ, аз худ намудани касбу ҳунарҳои зарурӣ ва пеш аз сафар омода намудани ҳуҷҷатҳои лозима маслиҳатҳои муфиду тавсияҳои амалӣ дода шуд.
Дар маҷмӯъ, ҳадафи асосии баргузории чунин чорабиниҳо баланд бардоштани маърифати ҳуқуқӣ, тарғиби муҳоҷирати бехатару қонунӣ ва фароҳам овардани заминаи мусоид барои фаъолияти меҳнатии шаҳрвандон дар хориҷи кишвар мебошад.
Маркази матбуоти Хадамоти муҳоҷират
