Пас аз ба даст овардани Истиқлоли давлатӣ  кишварамон ба марҳилаи нави инкишофи таърихӣ – бунёди давлати соҳибихтиёр, демократӣ, ҳуқуқбунёд, дунявӣ ва ягона ворид гардид. Муайян гардид, ки Истиқлоли давлатӣ ва ваҳдати миллӣ ду боли тавоное ҳастанд Тоҷикистонро ба парвозҳои баланд ҳидоят менамоянд.

Ҷаҳони муосир бо вуҷуди ҳама пешрафту инкишоф аз мушкилиҳо низ холӣ нест.

Манфиатҷӯии давлатҳои абарқудрат, зиддияти байни давлатҳо ва муносибати бешууронаи инсон ба табиат боиси он гардидааст, ки дар ҷаҳон ҳар гуна ҳодисаҳои номатлуб ба амал оянд. Мусаллам аст, ки терроризм ва экстремизм аз зуҳуроти номатлуби ҷомеаи ҷаҳонӣ ба ҳисоб меравад. Терроризм ва экстремизм дар байни табақаҳои гуногун, ки байни  ҷавонон  ба миён омадааст, яке аз муаммоҳои меҳварии ҳаёти башарият буда, оқибат ба бесуботӣ ва вайронкорӣ оварда мерасонад. 

Хулоса, имрӯз терроризм ва экстремизм ҳамчун вабои аср ба амнияти ҷаҳон ва ҳар як сокини сайёра таҳдид карда, барои башарият хатари на камтар аз силоҳи ядроиро ба миён овардааст. Дар Ҷумҳурии Тоҷикистон дар самти муқовимат бар зидди терроризм чорабиниҳои сиёсӣ-ҳуқуқӣ амалӣ гашта истодаанд, ки дар байни онҳо мавқеи марказиро Консепсияи ягонаи Ҷумҳурии Тоҷикистон доир  ба мубориза бар зидди терроризм ва экстремизм ишғол мекунад. Дар ин Консепсия муқаррароти умумӣ, мақсад, вазифаҳо ва принсипҳои мубориза бар зидди терроризм ва экстремизм, механизми амалӣ гардонидани он пешбинӣ гардидааст.

Имрӯз, масъалаи мубориза бар зидди терроризм ва экстремизм яке аз масъалаҳои асосии хусусияти ҷаҳонидошта пайдо кардааст. Ин бадбахтии оламшумуле гардидааст, ки ба муқобили он якҷоя мубориза бурда,  ба ҳамдигар кӯмак расонида, тадбирҳои  худро мувофиқ сохтан зарур аст.

Наботов Насим,

Сармутахассиси шуъбаи муҳоҷирати меҳнатӣ Раёсати Хадамоти муҳоҷират дар шаҳри Душанбе