Гурӯҳи кории Мақомоти иҷроияи ҳокимияти давлатии ноҳияи Тоҷикобод, ки бахши Хадамоти муҳоҷират дар ноҳия низ шомил аст, бо иштироки муовини раиси ноҳия Мансурзода Қодирҷон вохӯрии навбатӣ бо сохторҳои мақомоти иҷроия, фаъолон ва сокинони ноҳия, баргузор гардид.

Зимни вохӯрӣ аз ҷониби мудири бахши Хадамоти муҳоҷират дар ноҳия Дилшод Фаттохов вобаста ба риояи талаботҳои қонунгузории кишвари иқомат, танзими раванди муҳоҷирати меҳнатии қонунӣ, фаъолияти расмӣ дар доираи меъёрҳои муайннамудаи кишвари қабулкунандаи қувваи корӣ, инчунин танзими бехатарӣ дар истеҳсолот, тартиби бастани шартномаи меҳнатӣ бо корфармо тавсия ва машваратҳои муфид дода шуданд.

Зикр гардид, ки расман фаъолият намудан, риояи талаботҳои қонунгузории кишвари иқомат имконият медиҳад, ки шаҳрванди хориҷӣ дар кишвари қабулкунандаи корӣ бехатарии фаъолияти меҳнатӣ ва танзими будубоши худро риоя намуда, кафолатҳои ҳуқуқии шаҳрванди хориҷиро таъмин менамояд.

Дар идомаи вохӯрӣ ба ҳозирин вобаста гурӯҳҳои ифротгароию тундгароӣ, пешгирӣ аз шомилшавӣ ба гурӯҳҳои иртиҷоӣ ва даҳшатафкан, тамошо намудани барномаҳои хатарафзои интернетӣ, оқилона дуруст истифода бурдани шабакаҳои иҷтимоӣ, пешгирӣ аз ҷинояткорӣ дар миёни муҳоҷирони меҳнатӣ тавсия ва машваратҳои муфид дода шуд.

Ҳамзамон, дар рафти чорабинӣ баромадкунандагон оид ба ҷалби ҷавонон ба сафи Қувваҳои Мусаллаҳи Ҷумҳурии Тоҷикистон, ҳифзи арзишҳои фарҳанги миллӣ, пешгирии нашъамандию нашъаҷалобӣ, тарғиби тарзи ҳаёти солим, пешгирии ҷудошавии оилаҳои ҷавон, таблиғу ташвиқи китобхониву китобдӯстӣ ва дар амал татбиқ намудани Қонунҳои Ҷумҳурии Тоҷикистон “Дар бораи масъулият барои таълиму тарбияи кӯдак”, “Дар бораи танзими ҷашну маросимҳо дар Ҷумҳурии Тоҷикистон”, “Дар бораи озодии виҷдон ва иттиҳодияҳои динӣ” ва ҷалби шаҳрвандон ба корҳои созандагиву бунёдкорӣ, ҷалби хонандагон ба озмунҳои ҷумҳуриявии “Тоҷикистон Ватани азизи ман”, “Фурӯғи субҳи доноӣ китоб аст”, “Илм фурӯғи маърифат”, таълиму тарбияи фарзандон дар руҳияи худшиносию худогоҳӣ, тақвият бахшидани корҳои ободонию созандагӣ суханронӣ карда шуданд.

Маркази матбуоти Хадамоти муҳоҷират