Бо ибтикори бахши Хадамоти муҳоҷират дар ноҳияи Айнӣ дар якҷоягӣ бо шуъбаи Агентии меҳнат ва шуғли аҳолӣ бахшида ба ҷашни иди “Сада” дар назди майдончаи нишони давлатӣ ярмаркаи ҷойҳои холии корӣ ва вазифаҳои озод гузаронида шуд.
Дар ярмарка 7 корхонаҳо иштирок намуда, 60 ҷойҳои холии кориро пешниҳод намуданд. Шумораи иштироккунандагон дар ярмарка 115 нафарро ташкил дода, дар рафти гузаронидани ярмарка ба 27 нафар бекорон роҳхат дода шуд, ки аз ин шумора 11 нафарашон бо ҷойи кори доимӣ таъмин гардиданд.
Инчунин, аз тарафи бахши Хадамоти муҳоҷират ва Агентии меҳнат ва шуғли аҳолӣ вакансияи ҷойҳои холии кории озод, ки аз тарафи ҶСК “НБО Роғун” барои корҷӯён пешниҳод карда шуда буд, пешкаш гардонида шуда, ба 2 нафар корҷӯён роҳхат дода шуд.
Ҳамзамон, аз ҷониби корхонаи ҶДММ КМ ТА “Анзоб”, идораи кишоварзӣ, марказҳои саломатӣ, беморхонаи марказӣ, Ҷамоати деҳоти Айнӣ, Амонатбонк ва ташкилотҳои сохтумонӣ якчанд ҷойҳои холии кории мавсимӣ пешниҳод гардиданд.
Инчунин, ба 20 нафар корҷӯёне, ки дар ярмарка иштирок намуданд, барои касбомӯзӣ ба “Маркази таълими калонсолони Тоҷикистон” дар ноҳия барои омӯхтани касб пешниҳод карда шуданд.
Раёсати Хадамоти муҳоҷират дар вилояти Суғд
