Ҷавонон неруи созанда ва ояндаи миллату давлат ба ҳисоб мераванд. Давлату ҷомеа ба дониш, истеъдод, ташаббус ва фаъолияти онҳо ниёз доранд. Аз ин рӯ, ҳифзи ҷавонон аз таъсири ақидаҳои ифротӣ вазифаи муҳим тамоми ҷомеъа ба ҳисоб меравад.
Яке аз масъалаҳои нигаронкунанда истифодаи нодурусти шабакаҳои иҷтимоӣ ва хоса телефони мобилӣ аз тарафи насли наврасу ҷавонон мебошад. Баъзан наврасон бе санҷидани дурустии маълумот ба ҳар гуна навор, хабар ва навиштаҳои интернетӣ хусусан шабакҳои иҷтимоӣ бовар мекунанд. Дар чунин ҳолат падару модарон, калонсолон фаъолони ҷомеъа бояд ба фарзандон хусусан ҷавононе, ки ба муҳоҷирати меҳнати сафар менамоянд, тарзи дурусти истифодаи технологияҳои иттилоотиро фаҳмонанд.
Ба ҷавонон фаҳмондан зарур аст, ки на ҳар маълумоти паҳншуда ҳақиқат мебошад. Онҳо бояд қобилияти таҳлил кардан, муқоиса намудани маълумот, шинохтани хабарҳои бардурӯғ ва дурӣ ҷустан аз даъватҳои хушунатомезро дошта бошанд.
Дар баробари ин, волидайн бояд барои фарзандон шароити мусоиди таҳсил, омӯзиши касбу ҳунар, машғул шудан ба варзиш, китобхонӣ ва иштирок дар ҳаёти ҷамъиятиро фароҳам намудан кӯшиш намоянд.
Ҷавоне, ки дорои дониш, ҷаҳонбинии васеъ, мақсади муайян ва ҳисси баланди масъулият аст, дар куҷои кору фаъолияти меҳнати дорад, метавонад қарорҳои худро бошуурона қабул намояд ва ба таъсири таблиғоти фиребанда муқовимат нишон диҳад.
Дар пешгирии экстремизм ва терроризм нақши оила ниҳоят муҳим мебошад. Зеро тарбияи фарзанд пеш аз ҳама аз муҳити хонадон яъне оила оғоз меёбад.
Падару модарон бояд нисбат ба таълиму тарбия, рафтор, муносибат ва мушкилоти фарзандони худ бетафовут набошанд. Муносибати самимӣ, суҳбати озод ва эҳтироми ҳамдигар дар оила метавонад эътимоди фарзандонро ба волидон ва Ватан мустаҳкам намояд.
Баъзан ҷавонон, хусусан муҳоҷирони меҳнатӣ аз сабаби набудани таваҷҷуҳ, эҳсоси танҳоӣ ё таъсири муҳити носолим ба маълумоти нодуруст рӯ меоранд. Аз ин рӯ, зарур аст, ки падару модарон, бародарон бо онҳо ҳамавақт дар тамос бошаданд, аз ҳолу саломатии фарзандон ва наздикони худ хамавақт огоҳ бошанд.
Уринбоев Баҳром,Мудири бахши Хадамоти муҳоҷират дар ноҳияи Спитамен
