МД “Маркази машваратӣ ва омодагии пеш аз сафари муҳоҷирони меҳнатӣ” дар шаҳри Хуҷанд якҷоя бо бахши Хадамоти муҳоҷират ва намояндагони Прокуратураи нақлиёти вилоят корҳои фаҳмондадиҳиро дар байни шаҳрвандони ҷумҳурӣ, ки тавассути қатора ба самти шаҳри Волгогради Федератсияи Россия барои муҳоҷирати меҳнатӣ равонаанд, корҳои фаҳмондадиҳиро идома дода истодаанд.
Дар ҷараёни суҳбату вохӯрӣ кормандони маркази машваратӣ ба самъи шаҳрвандони ҷумҳурӣ, ки дар ҳудуди Федератсияи Россия кору фаъолият ва будубош доранд, мерасонад, ки дар моҳи сентябри соли ҷорӣ дар ҳудуди Россия маъракаи муҳими сиёсӣ баргузор мегардад, ки аз ҳар як шаҳрванд, махсусан шаҳрванди хориҷӣ масъулияти баланди шаҳрвандиро тақозо менамояд.
Дар ин замина, аз шаҳрвандони Ҷумҳурии Тоҷикистон – муҳоҷирони меҳнатӣ хоҳиш менамоем, ки аз иштирок дар чорабиниҳои ғайриқонунунӣ худдорӣ намуда, маълумотҳои муҳимро дар самти бубоши шаҳрвандони хориҷӣ, маҳдудиятҳои ҷорӣ аз сомонаҳои расмии давлатии кишвари иқомат мутолиа намуда, ба шахсони алоҳида ва гуруҳҳои манфиатҷу бовар накарда, ба фаъолияти қонунии худ идома диҳед.
Дар ҳолати пеш омадани мушкилот ва ё пайдо гардидани саволҳо дар самти муҳоҷирати меҳнатӣ, метавонед ба мутахассисони Намояндагии Вазорати меҳнгат муҳоҷират ва шуғли аҳолии Ҷумҳурии Тоҷикистон дар ФР муроҷиат намоянд.
Дар фарҷоми вохӯрӣ ба шаҳрвандон варақаи иттилоотии Хадамоти муҳоҷират тақсим карда шуданд.
Маркази матбуоти Хадамоти муҳоҷират
