Дар асоси нақша-чорабиниҳои Мақомоти иҷроияи ҳокимияти давлатии ноҳияи Файзобод дар Муассисаҳои таҳсилоти миёнаи умумии №24-54 -и ноҳия дар мавзуъҳои стратегияи муқовимат бо коррупсия, вобаста ба бемориҳои сироятӣ, пешгирии экстремизм ва терроризм, қонунҳои амалкунандаи Федератсиия Россия дар самти муҳоҷират ва дигар масъалаҳои мубрмаи рӯз суҳбату вохӯриҳо баргузор гардид.
Тазаккур бояд, ки иқдоми мазкур бо ташаббуси Мақомоти иҷроияи ҳокимияти давлатии ноҳияи Файзобод амалӣ гардида, чунин чорабиниҳо барои баланд бардоштани, ҳисси ватандӯстии хонандагону ҷавонон, ҳуввияти миллӣ, баланд бардоштани сатҳи таълиму тарбия, ҷалби ҷавонон ба корҳои созандагию бунёдкорӣ, бо ҷойи кори доимӣ таъмин намудани муҳоҷирони бозгашта таъсири амиқ мерасонад.
Дар вохӯрии мазкур доир ба муҳтавои Паёми Пешвои муаззами миллат ба Маҷлиси Олии мамлакат, Қонуни Ҷумҳурии Тоҷикистон “Дар бораи тарбияи ватандӯстии шаҳрвандон”, масъалаҳои пешгирии омилҳои номатлуби ифротгароӣ, терроризму экстремизм, муқовимат бо коррупсия, тақлиди фарҳанги бегона, худкушӣ, хариду фурӯши одамон, муҳоҷирати меҳнатӣ, баланд бардоштани ҳисси ватандӯстии шаҳрвандон, ташаккули худшиносиву худогоҳӣ, зиракии сиёсӣ, арҷгузорӣ ба муқаддасоти миллӣ ибрози андеша намуданд.
Дар рафти вохӯрӣ мудири бахши Хадамоти муҳоҷират дар ноҳия Басонат Азизова марбут ба муҳоҷирати қонунӣ ва бехатар, қоидаҳои будубош дар Федератсияи Россия, бастани шартномаҳои меҳнатӣ ва риояи кардани қоидаҳои бехатарии меҳнатӣ баррасӣ гардиданд. Таъкид шуд, ки шуғли расмӣ барои ҳифзи ҳуқуқ ва манфиатҳои муҳоҷирон аҳамияти хоса дорад.
Ҳозирин ҳамчунин дар бораи таҳдидҳо вобаста ба ҷалби муҳоҷирон ба гурӯҳҳои радикалӣ, террористӣ ва ҷиноятӣ огоҳонида шуданд. Қайд шуд, ки зарур аст ҷавонон бештар ба таҳсил дар мактабҳо, коллеҷҳо ва донишкадаҳо ҷалб карда шаванд.
Илова бар ин, таваҷҷуҳи ҳозирин ба масъалаҳои тандурустӣ ҷалб карда шуд. Аз ҷумла, маълумот дар бораи бемориҳои вирусӣ, махсусан ВИЧ/СПИД ва сил пешниҳод гардид. Таъкид шуд, ки риояи меъёрҳои беҳдоштӣ ва нигоҳубини саломатӣ омили муҳими пешгирии ин бемориҳо мебошад.
Ҳамзамон, ба шаҳрвандон тавсия дода шуд, ки аз гузаронидани маблағ аз кортҳои бонкии худ ба дархости шахсони бегона худдорӣ намоянд, зеро чунин амал метавонад ба маблағгузории гурӯҳҳои террористӣ ва экстремистӣ мусоидат кунад ва барои онҳо ҷавобгарии қонунӣ ба миён оварад.
Дар анҷом, ҳамаи иштирокчиён имконият пайдо карданд, ки саволҳои худро пешниҳод намуда, ҷавобҳои зарурӣ дарёфт намоянд.
Маркази матбуоти Хадамоти муҳоҷират
