Аз ҷониби корманди бахши Хадамоти муҳоҷират дар ноҳияи Ашт Норбоев Дамир ва мутахассиси пешбари шуъбаи Агентии меҳнат ва шуғли аҳолӣ бо сокинони шаҳраки Шайдон вохӯрии иттилоотӣ баргузор гардид.
Зимни вохӯрӣ масъалаҳои марбут ба муҳоҷирати бехатар, риояи қонунгузории Ҷумҳурии Тоҷикистон ва кишварҳои қабулкунанда, огоҳӣ аз хатару таҳдидҳои эҳтимолӣ ҳангоми сафар ва фаъолияти меҳнатӣ дар хориҷи кишвар мавриди баррасӣ қарор гирифтанд. Ба шаҳрвандон зарурати пеш аз сафар ба муҳоҷирати меҳнатӣ гирифтани маълумоти зарурӣ, риоя намудани қонунҳои кишвари будубош ва истифодаи роҳҳои қонунии муҳоҷират фаҳмонида шуд.
Ҳамзамон, дар вохӯрӣ оид ба Стратегияи муқовимат ба экстремизм ва терроризм дар Ҷумҳурии Тоҷикистон маълумот дода шуда, зарурати баланд бардоштани маърифати ҳуқуқӣ, зиракии сиёсӣ ва пешгирии шомилшавии ҷавонон ба гурӯҳҳои экстремистию террористӣ таъкид гардид.
Инчунин, масъалаи муқовимат бо коррупсия дар Ҷумҳурии Тоҷикистон баррасӣ гардида, ба шаҳрвандон оид ба пешгирии зуҳуроти коррупсионӣ, риояи қонунгузорӣ, баланд бардоштани масъулияти шаҳрвандӣ ва саҳми ҳар як шахс дар мубориза бар зидди коррупсия маълумоти зарурӣ пешниҳод карда шуд.
Дар фарҷоми вохӯрӣ ба саволҳои шаҳрвандон вобаста ба муҳоҷирати меҳнатӣ, шуғл ва дигар масъалаҳои мавриди таваҷҷуҳ ҷавобҳои мушаххас дода шуд.
Маркази матбуоти Хадамоти муҳоҷират
