Дар асоси нақшаи корӣ бахши Хадамоти муҳоҷират дар ноҳияи Спитамен якҷоя бо КИ ҲХДТ дар ноҳия дар китобхонаи марказии ноҳия бо хатмкунандагони Литсейи касбии техникии ноҳия корҳои иттилотию фаҳмондадиҳӣ баргузор намуд. Дар чорабинии мазкур Сатторова С., мутахассиси пешбари бахши Хадамоти муҳоҷират ва Муҳаммадӣ М., раиси КИ ҲХДТ иштирок ва суханронӣ намудаанд.
Сараввал раиси КИ ҲХДТ дар ноҳияи Спитамен оид ба нуқтаҳои асосии Паёми навбатии Президенти Ҷумҳурии Тоҷикистон Пешвои миллат муҳтарам Эмомалӣ Раҳмон ба Маҷлиси Олии кишвар суханронӣ намуда, дар ин заминаи он таъмини тозагиву озодагии иншооту биноҳо, ташкилоту муассисиҳо, кӯчаву маҳаллаҳо, манзили истиқоматии ҳар як оила дар деҳот бо мақсади сазовор таҷлил намудани ҷашни 35 – солагии Истиқлоли давлатии Ҷумҳурии Тоҷикистон, дар ин ҷода тақвият додани корҳои ободониву бунёдкори, созандагӣ, истифодаи самараноки заминҳои наздиҳавлигӣ, пешгирии ҷудошавии оилаҳои ҷавон, курсҳои касбомӯзӣ ҷавондухтарон, сарфакорона истифода намудани нерӯи барқ ва ғайра таъкид намуданд. Доир ба масъалаҳои болозикршуда иштирокдорон фикру ақидаҳои худро баён намуданд.
Сипас, дар суханронии худ корманди бахши Хадамоти муҳоҷират дар ноҳия Сатторова С., оид ба навгониҳои қонунгузории охирини Федератсияи Россия дар самти муҳоҷират, дар бораи ҷинояткорӣ, радикализм, экстремизм, терроризм ва савдои одамон, ки имрӯз барои ҷомеа ҷаҳон хатари ҷиддӣ доранд, муфассал шарҳ дод. Ӯ бо мисолҳо моҳияти ин мушкилотро фаҳмонида, барои баланд бардоштани сатҳи огоҳии мардум ба иштирокчиён маводҳои иттилоотӣ дастрас намуд.
Маркази матбуоти Хадамоти муҳоҷират
