Мизи мудаввар бахшида ба “Рӯзи умумиҷаҳонии ҳифзи меҳнат” дар толори Филиали МД “Маркази рушди ҳунармандӣ ва малакаҳои касбии муосир” дар шаҳри Кӯлоб баргузор гардид.
Дар чорабинӣ сардорон ва мутахассисони шуъбаи Агентии меҳнат ва шуғли аҳолӣ, шуъбаи Хадамоти муҳоҷират, шурои иттифоқҳои касаба, Марказҳои таълимии касбӣ, намояндагони Мақомоти иҷроияи ҳокимияти давлатии шаҳр, ҲХДТ, корфармоён ва намояндагони бахши хусусӣ ширкат варзиданд.
Иштирокчиён вобаста ба ҳуқуқу вазифаҳои корфармо ва корманд, танзими муносибатҳои меҳнатӣ, шароити кор дар корхонаҳо, кафолатҳои иҷтимоии кормандон, пешгирии сар задани ҳодисаҳои нохуш, ҳуқуқу вазифаҳои муҳоҷирони меҳнатӣ, мусоидат дар касбомӯзӣ ва бакортаъминкунии муҳоҷирони ба ватан бозгашта ва моҳияти таҷлили Рӯзи умумиҷаҳонии ҳифзи меҳнат муколамаи муфид баргузор намуданд.
Маркази матбуоти Хадамоти муҳоҷират
