Кормандони масъули шуъбаи Хадамоти муҳоҷират дар шаҳри Кӯлоб ҳамарӯза корҳои фаҳмондадиҳиро дар байни муҳоҷирони бозгашта ва муҳоҷироне, ки барои фаъолияти меҳнатӣ ба кишвари Россия сафар доранд дар “Фурудгоҳи байналмилалии Кӯлоб” идома дода истодаанд.
Зимни суҳбат сармутахассиси шуъбаи Хадамоти муҳоҷират дар шаҳри Кӯлоб Ашуров Суҳроб бо муҳоҷирони меҳнатии ба ватан бозгашта бо вакансияҳои ҷойи кории холӣ дар дохили кишвар таъмин намудани онҳо, ба забономӯзӣ ва касбомӯзи ҷалб намудан, ба он нафароне, ки азми сафар ба кишвари Россия доранд, тавсия дода шуд, ки пеш аз сафар омодагӣ бинанд, ҳуҷҷатҳои зарурӣ аз қабили шиносномаи тиббӣ, оиди пешгирии бемориҳои сироятӣ, изи ангушт, надоштани доғи судӣ ва ҳуҷҷати касбриро бо худ гирифтан зарур аст.
Ҳамзамон, ба он нафароне, ки барои фаъолияти меҳнатӣ ба кишвари Россия равонаанд, таъкид карданд, ки ҳатман шиносномаи худро дар сохторҳои Хадамоти муҳоҷират ва Намояндагии муассисаи федералии воҳиди давлатии (Хадамоти шиносномадиҳӣ ва раводид)-и ВКД ФР дар Ҷумҳурии Тоҷикистон (ПВС), ки дар бинои Хадамоти муҳоҷират ҷойгир аст, аз маҳзани манъшудагон санҷида баъдан азми сафар намоянд, зеро назорат дар сарҳадоти қаламрави кишвари Россия пурзур карда шудааст.
Инчунин, ба маълумоти шаҳрвандони ҷумҳурӣ расониданием, ки дар Хадамоти муҳоҷират хати оҷилӣ (кол центр) фаъолият дорад, шаҳрвандон метавонанд бо рақами 900800800 дар тамос бошанд.
Маркази матбуоти Хадамоти муҳоҷират
