Дар шароити имруза, яке аз падидаҳои хатарафзои номатлуб терроризм ва экстремизм ба ҳисоб меравад, ки барои мубориза бо он ҳар давлат тадбирандеши намуда, сохтор, ягонагии ҳудуди ва истиқлолияти худро ҳифз менамояд. Дар Ҷумҳурии Тоҷикистон, аз ҷумла барои муковимат бар зидди терроризм ва экстремизм санадҳои меъёри ҳуқуқӣ, аз қабили “Стратегияи  пешгирии  экстремизм ва терроризм дар Ҷумҳурии Тоҷикистон барои то соли 2040 дар солҳои 2026-2030” мавриди бедории миллӣ ва зиракии сиёсии шаҳрвандон қабул гардида, корҳои зиёде ба сомон расонида шудаанд.

Терроризм ва экстремизм дар ҷаҳони имрӯза ба амнияти тамоми башарият таҳдид карда, сабабгори зуҳуроти падидаҳои номатлуб дар вазъи ҷомеа ва таҳдид ба ҳаёти шаҳрвандон гардидааст. Ҷумҳурии Тоҷикистон низ имрӯз ҳамчун як узви ҷомеаи ҷаҳони “мутобиқи шартномаҳои байналмилалӣ дар соҳаи мубориза бар зидди терроризм бо давлатҳои хориҷи, бо мақомоти ҳифзӣ ва хадамоти махсуси онҳо, инчунин, бо ташкилотҳои байналмилалии бар зидди терроризм муборизабаранда, ҳамкорӣ менамояд”.

Пешвои миллат, Асосгузори сулҳу ваҳдати миллӣ муҳтарам Эмомали Раҳмон дар суханронии худ оид ба мавҳуми террорист чунин гуфта буданд: “Террорист дар асли худ миллат, мазҳаб ва ватан надорад ва душмани Худову бандагони ӯ аст… Ин гуна неруҳо аз номи ислом амал намуда, номи неки онро  доғдор мекунад ва манфиатҳои душманону бадхоҳони фарҳанги болои исломиро пиёда месозад”.

Бар зидди терроризм ва экстремизм, ки яке аз самтҳои афзалиятноки сиёсати давлатҳо, аз он ҷумла Ҷумҳурии Тоҷикистон маҳсуб меёбад, тамоми қувваҳои узвии ҷомеаи ҷаҳониро барои таъмини амнияти минтақавӣ ва миллӣ равона месозад. Барои нигоҳ доштани сулҳу субот, зиндагии осоишта, ободию шукуфои, арзишҳои миллӣ ва маънавии ҷомеаи соҳибистиқлоли ҷумҳурӣ мардуми тоҷик бояд дар атрофи Сарвари давлат якдилонаву дилпурона муттаҳид гардида, кишвари азизи худро аз қувваҳои мухолифин ҳифз намоянд..

 Саидов Сино,

 Мудири бахши Хадамоти муҳоҷират дар ноҳияи Ҷаббор Расулов