Бахши Хадамоти муҳоҷират дар ноҳияи Файзобод дар якҷоягӣ бо Мақомоти иҷроияи ҳокимияти давлатии ноҳия, бо иштироки муовини раиси ноҳия Рашидзода Махфират Мансур ва дигар намояндагони мақомоти иҷроияи ҳокимияти давлатӣ дар Ҷамоати деҳоти Бӯстон дар муассисаҳои таълимии № 4,43,29,ва 3 суҳбату вохӯриҳо бо падару модарон, омӯзгорон, фаъолон, хонандагон ва муҳоҷирони ба ватан бозгашта доир намуд.
Ҷамъомадро Рашидзода Махфират Мансур – муовини раиси ноҳия, роҳбари гурӯҳи корӣ ифтитоҳ намуда, сараввал иштирокчиён сокинони Ҷамоати деҳоти Бӯстонро ҷиҳати ба даст овардани ғолибият дар озмуни ноҳиявии “Ҷамоати беҳтарин” дар ҷамъбасти натиҷаҳои соли 2024 аз номи МИҲД муборакбод намуданд. Баъдан ба ҳозирин ҳадафи асосии ҷамъомад оид ба масоили рушди иҷтимоӣ ва робита бо ҷомеа бо усули “Мактаб ба мактаб” –ро фаҳмонид.
Қайд гардид, ки рушди соҳаи иҷтимоӣ дар сиёсати давлатии Тоҷикистон мақоми хоса дошта, барои дастгирии соҳаи иҷтимоӣ ва баланд бардоштани сатҳу сифати зиндагии мардум тадбирҳои заруриро роҳандозӣ менамояд. Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми навбатӣ ба Маҷлиси Олии Ҷумҳурии Тоҷикистон рушди соҳаи маорифро яке аз самтҳои муҳими ояндасози мамлакат арзёбӣ намуда, қайд намуданд, ки “ бо назардошти афзоиши аҳолӣ дар панҷ соли оянда бо истифода аз ҳамаи сарчашмаҳои маблағгузорӣ ва бо дарназардошти ҳадафи гузошташуда барои фарогирии 50 фоизи кӯдакони синну соли томактабӣ бунёди 800 муассисаҳои таҳсилоти томактабӣ ва беш аз 1000 муассисаҳои таҳсилоти умумиро таъмин менамояд”. Инчунин оид ба нақшаҳои МИҲД дар самти рушди соҳаи маориф бахусус дар ҳудуди Ҷамоати деҳоти Бӯстон баён доштанд.
Пиров Абдукарим – мушовири кабинети методии шубаи маориф оид ба рушди соҳаи маорифи ноҳия, оид ба Қонуни Ҷумҳурии Тоҷикистон “Дар бораи масъулият барои таълиму тарбияи кӯдак” ва иҷрои санадҳои меъёрӣ – ҳуқуқии рушди соҳаи маориф суханронӣ намуд.
Раҷабзода Оятулло – мудири бахши кор бо ҷавонон ва варзиши ноҳиязимни суханрони қайд намуданд, ки Пешвои муаззами миллат муҳтарам Эмомалӣ Раҳмон ҷавононро қишри фаъолтарини ҷомеа ва идомадиҳандаи кору пайкори насли калонсол арзёбӣ намуда, қайд карданд, ки маҳз онҳо масъулияти фардои кишвари соҳибистиқлоли худро ба душ хоҳанд гирифт. Мо аз ҷавонони кишвар умеди бузург дорем, ташаббусҳои созандаашонро минбаъд низ ҳамаҷониба дасгирӣ менамоем.
Азизова Басонат – мудири бахши муҳоҷират дар ноҳия диққати ҳозиринро нисбати ворид гардидани тағйроту иловаҳо дар Қонунҳои амалкунандаи Федератсияи Россия дар самти муҳоҷирати меҳнатӣ, ки аксарияти шаҳрвандони ноҳия ба муҳоҷират мераванд, ҷалб намуд.
Қайд гардид, ки айни замон 124 ҳазор сокинони кишвар дар ин давлати муҳоҷирпазир бо сабаби пурра ба расмият надаровардани ҳуҷҷатҳо худ зери назорат қарор доранд. Маслиҳат дода шуд, ки алоқа бо фарзандону наздикон ҷиҳати бартараф намудани ин мушкилот, мусоидат намоянд.
Давлатзода Раъно – мудири бахши кор бо занон ва оила зимни суханронӣ оид сиёсати давлатии Тоҷикистон дар самти ҳифзи иҷтимоии оила, модару кӯдак ва мавқеи зан дар ҷомеа суханронӣ намуданд.
Қайд гардид, ки 49, 9 фоизи аҳолии ноҳияро занҳо ташкил намуда, ғамхории ҳамҷониба ба ҳифзи иҷтимоии оила, дастгирии иштироки занҳо дар пешбурди зиндагӣ, кору фаъолият, рушди соҳибкорию ҳунармандӣ ва дигар самтҳо фаъолият назаррас мебошад. Баробари ин камбудиҳо дар самти ҷудошавии оилаҳо (63 оила соли 2024), мушоҳидаи омилҳои хурофотпарастӣ, тақлиди пушидани либосҳои ба зани тоҷик бегона, тарбия ва ба воя расонидани фарзанд ва бисёри дигар омилҳои номатлуб мушоҳида мегарданд.
Неъматуллозода Шаҳноза – нозири Хадамоти огоҳонӣ, пешгирии ҳуқуқвайронкунии ноболиғону ҷавонони ШВКД дар ноҳия оид ба сабаб ва омилҳои ба ҷиноят ва ҳуқуқвайронкуниҳо даст задани ноболиғон ва пешгирии ҳамагуна ҳуқуқвайронкуниҳо дар ин самт суханронӣ кард.
Қайд гардид, ки соли 2024 аз тарафи ноболиғон 9 ҷиноят содир шуда, 178 нафар ноболиғон ҳамчун ҳуқуқвайронкунанда ба қайд гирифта шуда, нисбати волидайнҳо протоколи ҳуқуқвайронкунии маъмурӣ тартиб дода шудааст. Сабаб ва омилҳои содир шудани ҷиноят ва ҳуқуқвайронкуниҳо ин аз беназоратӣ ва хунукназарии падару модар (шахсони онҳоро ивазкунанда), муассисаи таълимӣ ва кумитаҳои маҳалла сар задааст. Дар рафти суҳбат ҷиҳати пешгирии ҳамагуна ҳуқуқвайронкуниҳо ба омӯзгорон ва падару модарон дастурҳои зарурӣ дода шуд.
Тағоев Муродалӣ – директори муассисаи № 43, оид ба беҳтар намудани сифати таълиму тарбия суханронӣ намуда, ба иштирокчиёди ҷамъомад ва ҳайати гурӯҳи корӣ сипосу минатдорӣ изҳор доштанд.
Чунин суҳбату вохӯриҳо дар дигар ҷамоату деҳоти ноҳия низ баргузор хоҳад шуд.
Бахши Хадамоти муҳоҷират дар ноҳияи Файзобод
