Бо ибтикори бахши Хадамоти муҳоҷират дар шаҳри Гулистон бо мақсади гузаронидани корҳои иттилоотрасонӣ дар байни шаҳрвандон -муҳоҷирони меҳнатии бозгашта оид ба тағйироту иловаҳо дар қонунгузории Федератсияи Россия дар самти муҳоҷират, баргузор карда шуд.
Дар чорабинии мазкур кормандони бахши Хадамоти муҳоҷират бо сокинон доир ба тағйироти иловаҳо дар қонунгузории Федератсияи Россия дар самти муҳоҷират, риояи меъёрҳои қонунгузорӣ зимни фаъолияти меҳнатӣ, фаъолият дар заминаи шартномаи меҳнатӣ, риояи талаботҳои бехатарӣ дар истеҳсолот, огоҳонӣ оид ба гурӯҳҳои хатарафзо, террористиву экстремистӣ, ифротгароии динӣ ва нигоҳдории беҳдошти саломатӣ ба шаҳрвандон ибрози андеша намуданд.
Зикр гардид, ки дар талаботҳои қонунгузории кишвари иқомат тағйиротҳои зиёд дар самти муҳоҷирати меҳнатӣ ворид гардида, шаҳрвандонро зарур аст, ки меъёрҳои муайяншударо риоя намуда, баъди ба даст овардани иҷозатномаи фаъолияти меҳнатӣ бо корфармо шартномаи меҳнатӣ ба имзо расонида, дар мақомоти салоҳиятдор оид ба бастани шартномаи меҳнатӣ огоҳинома пешниҳод намоянд.
Дар ин замина аз шаҳрвандон даъват ба амал оварда шуд, ки зимни фаъолияти меҳнатӣ меъёрҳои бехатарӣ дар истеҳсолотро риоя намуда, бехатарии саломатии худ ва дигар ҳамватанонро таъмин намоянд.
Дар фарҷоми чорабинӣ ба сокинони шаҳр варақаҳои иттилоотии Хадамоти муҳоҷират тақсим карда шуданд.
Маркази матбуоти Хадамоти муҳоҷират
