Раёсати Хадамоти муҳоҷират дар вилояти Хатлон дар “Фурудгоҳи байналмилалии Бохтар” вохӯрии судманд бо шаҳрвандон-муҳоҷирони меҳнатӣ, баргузор намуд.
Зимни вохӯрӣ бҷ шаҳрвандон ҷиҳати риояи талаботҳои қонунгузории кишвари иқомат, танзими раванди муҳоҷирати меҳнатии қонунӣ, фаъолияти расмӣ дар доираи меъёрҳои муайннамудаи кишвари қабулкунандаи қувваи корӣ, инчунин танзими бехатарӣ дар истеҳсолот, тартиби бастани шартномаи меҳнатӣ бо корфармо тавсия ва машваратҳои муфид дода шуданд.
Зикр гардид, ки расман кору фаъолият намудан, риояи талаботҳои қонунгузории кишвари иқомат имконият медиҳад, ки шаҳрванди хориҷӣ дар кишвари қабулкунандаи корӣ бехатарии фаъолияти меҳнатӣ ва танзими будубоши худро риоя намуда, кафолатҳои ҳуқуқии шаҳрванди хориҷиро таъмин менамояд.
Дар идомаи вохӯрӣ ба шаҳрвандон вобаста гурӯҳҳои ифротгароию тундгароӣ, пешгирӣ аз шомилшавӣ ба гурӯҳҳои иртиҷоӣ ва даҳшатафкан, тамошо намудани барномаҳои хатарафзои интернетӣ, оқилона дуруст истифода бурдани шабакаҳои иҷтимоӣ, пешгирӣ аз ҷинояткорӣ дар миёни муҳоҷирони меҳнатӣ тавсия ва машваратҳои муфид дода шуд.
Ба таваҷҷуҳи шаҳрвандони Ҷумҳурии Тоҷикистон расонида мешавад, ки дар ҳолати пеш омаданӣ мушкилот метавонанд ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар ФР барои гирифтани машварат ва тавсияҳои ҳуқуқии ройгон муроҷиат намоянд.
Маркази матбуоти Хадамоти муҳоҷират
