19 июни соли 2026 дар варзишгоҳи Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон маросими ҷамъбастӣ ва қадрдонии ғолибони даври ноҳиявии мусобиқаи варзишӣ оид ба футболи хурд байни ташкилотҳои ибтидоии ҳизбии ноҳияи Шоҳмансур баргузор гардид.

Мусобиқаи мазкур рӯзҳои 18–19 июни соли ҷорӣ тибқи барқияи электронии КИМ ҲХДТ ва бо ибтикори Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур бахшида ба ҷашни 35-солагии Истиқлолияти давлатии Ҷумҳурии Тоҷикистон роҳандозӣ гардида, ҳадафи он таҳкими тарзи ҳаёти солим, рушди варзиш, густариши дӯстиву ҳамдигарфаҳмӣ ва таҳкими рӯҳияи ватандӯстӣ миёни аъзову ҷонибдорони ҳизб ба шумор мерафт.

Дар маросими ҷамъбастии мусобиқа раиси Кумитаи иҷроияи ҲХДТ дар ноҳияи Шоҳмансур Каримзода Нилуфар Раҳмоналӣ, мудири шуъбаи кор бо занони Кумитаи иҷроияи ҲХДТ дар шаҳри Душанбе Каримзода Рухшона, раиси Шурои собиқадорони ҲХДТ дар ноҳияи Шоҳмансур Ширин Қурбонова ва роҳбарони як қатор ташкилотҳои ибтидоии ҳизбӣ иштирок намуданд.

Зимни суханронӣ раиси Кумитаи иҷроияи ҲХДТ дар ноҳияи Шоҳмансур Каримзода Нилуфар Раҳмоналӣ иштирокчиён ва ғолибони мусобиқаро барои нишон додани маҳорати баланди варзишӣ, иродаи қавӣ ва иштироки фаъолона дар чорабинии варзишӣ табрик гуфта, таъкид намуд, ки варзиш яке аз воситаҳои муҳими таҳкими саломатии ҷомеа, тарбияи ҷавонон дар рӯҳияи ватандӯстӣ ва таҳкими ваҳдату ҳамбастагӣ мебошад.

Дар фазои тантанавӣ ба дастаҳои ғолиби мусобиқа Ҷом, медал, диплом ва туҳфаҳои хотиравии Кумитаи иҷроияи ҲХДТ дар ноҳияи Шоҳмансур супорида шуда, саҳми онҳо дар рушди варзиш ва иштироки фаъолона дар чорабиниҳои ҳизбӣ баланд арзёбӣ гардид.

Чорабинии мазкур бори дигар нишон дод, ки варзиш ҳамчун омили муҳими таҳкими дӯстӣ, ҳамдигарфаҳмӣ ва муттаҳидсозии ҷомеа нақши муассир дошта, дар тарбияи насли солиму ватандӯст саҳми арзанда мегузорад.

 Маркази матбуоти Хадамоти муҳоҷират