Бо ибтикори шуъбаи Хадамоти муҳоҷират дар шаҳри Кӯлоб якҷоя бо Филиали Корхонаи воҳиди давлатии (КВД) “Маркази таълимии Омӯзиши модулии шаҳри Кӯлоб” вобаста ба масъалахои муҳоҷирати бехатар ва таъмини шаҳрвандони баргашта бо ҷойи кор дар дохили кишвар ва ба касбомӯзӣ ҷалб намудани онҳо аз тарафи барномаи лоиҳаи Фарогирии Иқтисодӣ, мулоқоти судманд баргузор гардид.

Бояд тазаккур дод, ки Марказ асосан барои тайёр кардани кадрҳои коргарӣ, бозомӯзии касбии шаҳрвандон, ташкили курсҳои кӯтоҳмуддати омӯзишӣ ва баланд бардоштани маҳорати касбии бекорон ва ҷавонон нигаронида шудааст. Омӯзиш дар ин ҷо бо усули модулӣ (системаи муосири таълимӣ) ба роҳ монда шудааст.

Маркази мазкур бо мақсади коҳиш додани сатҳи бекорӣ ва омода намудани кадрҳои баландихтисос барои бозори меҳнат таъсис ёфтааст. Вазифаҳои асосии марказ: Касбомӯзии кӯтоҳмуддат: Ташкили курсҳои кӯтоҳмуддати касбӣ ва бозомӯзӣ барои шаҳрвандони бекор, муҳоҷирони меҳнатӣ ва занону духтарони хонашин. Технологияи модулӣ: Таълим дар ин муассиса дар асоси технологияи модулӣ (омӯзиши зина ба зина ва амалӣ) сурат мегирад, ки имкон медиҳад касбро дар муҳлати кӯтоҳ аз худ кунанд. Касбҳои маъмул: Омӯзиши ҳунарҳои мардумӣ (қолинбофӣ, адрасбофӣ, дӯзандагӣ) ва дигар касбҳои техникӣ ва хидматрасонӣ, ки дар бозори меҳнати минтақаи Кӯлоб талабот доранд.

Дар рафти мулоқот кормандони шуъбаи Хадамоти муҳоҷират дар шаҳри Кӯлоб оид ба масъалаҳои муҳоҷирати қонунӣ ва бехатар, қоидаҳои будубош дар Федератсияи Россия, бастани шартномаи меҳнатӣ ва риояи меъёрҳои бехатарӣ дар ҷои кор баррасӣ гардид ва вобаста ба аҳамияти шуғли расмӣ барои ҳифзи ҳуқуқи муҳоҷирон таъкид карда шуданд.

Бояд қайд кард, ки Марказ мутахассисони ба талаботи бозори меҳнат мувофиқро аз рӯи ихтисосҳои  муҳосиби донандаи компютер, истифодабарандаи компютери фардӣ, дуредгар, кафшергари барқӣ, фермер (замбӯрпарвар), челонгари таъмири автомобилҳо, чакандӯзӣ, челонгари таъмири асбоби техникии рӯзгор, дӯзанда ва кафшергари газӣ  тайёр мекунад.      

Маркази матбуоти Хадамоти муҳоҷират