Ҳамарӯза шуъбаи Хадамоти муҳоҷират дар шаҳри Кӯлоб дар “Фурудгоҳи байналмилалии Кӯлоб” вохӯрӣ бо шаҳрвандоне, ки тавассути парвоз ба Федератсияи Россия барои фаъолияти меҳнатӣ равонаанд, идома дода истодаанд.
Дар ҷараёни вохӯрӣ мутахассиси пешбари шуъбаи Хадамоти муҳоҷират Абдулфайз Сафаров ба таваҷҷуҳи шаҳрвандони ҷумҳурӣ расонид, ки аз 1 сентябри соли 2026, барномаи мобилии “Амина” барои тамоми категорияҳои шаҳрвандони хориҷӣ, ки вурудашон ба Федератсияи Россия бе виза амалӣ мегардад, роҳандозӣ карда мешавад.
Шуруъ аз 1 сентябри соли 2026, барномаи мобилии бақайдгирии “Амина” ягона роҳи бақайдгирӣ дар Маскав ва вилояти он гардида, категорияҳои зерини шаҳрвандон низ тавассути барномаи мазкур ҷойи зисти худро ба қайд мегиранд.
Хотиррасон менамоем, ки барномаи мобилии “АМИНА” дар ҳудуди Москва ва вилояти он фаъолият дошта, пештар аз ин танҳо барои бақайдгирии муҳоҷирони меҳнатӣ пешбинӣ шуда буд.
Барои шаҳрвандони хориҷии аз 18-сола боло: Донишҷӯён (шаҳрвандони Ҷумҳурии Тоҷикистон, ки дар муассисаҳои таҳсилоти олӣ ва миёнаи касбӣ, таҳсил ва тадқиқоти илмӣ машғул мебошанд). Иттилоъ медиҳем, ки шаҳрвандони ноболиғ тибқи тартиби муқаррашуда, барои гирифтани иҷозатномаи зисти муваққатӣ ба шуъба ё раёсати ВКД Россия вобаста ба ҷойи зисти худ муроҷиат менамоянд.
Дар ҳолати пайдо гардидани савол ва ё гирифтани машварати ҳуқуқии ройгон шаҳрвандон метавонанд ба мутахассисони Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар ФР муроҷиат намоянд.
Ҳамчунин ба маълумоти шаҳрвандони ҷумҳурӣ расониданием, ки дар Хадамоти муҳоҷират хати оҷилӣ (кол центр) фаъолият дорад, шаҳрвандон метавонанд бо рақами 900800800 дар тамос бошанд.
Маркази матбуоти Хадамоти муҳоҷират
