Бо ибтикори шуъбаи Хадамоти муҳоҷират дар шаҳри Панҷакент дар муассисаи таҳсилоти миёнаи умумии №19, вохӯрии судманд бо омӯзгорон ва хонандагон баргузор гардид.
Дар чорабинии мазкур қайд карда шуд, ки оила асоси ҷомеа ба ҳисоб меравад. Агар оила солим ва устувор бошад, ҷомеа низ пешрафта ва обод мегардад. Оилаи солим пояи ҷомеаи муваффақ мебошад. Таъмин намудани ҳифзи ҳуқуқҳои оилавӣ дар кишвари мо зери назорат ва диққати доимии Ҳукумати кишвар қарор дорад. Насли наврасро ба хондани китобҳои бадеиву илмӣ, иштирок дар озмунҳо бояд ҳидоят кард, то ин ки онҳо дар оянда шахсони оқил ва номбардори модару Ватани худ ба воя расанд. Ҷинояткорӣ барои ҷомеа оқибатҳои хеле вазнин дорад. Пеш аз ҳама, он ба амнияти шаҳрвандон таҳдид мекунад. Вақте, ки одамон худро дар амон ҳис намекунанд, сатҳи эътимод дар ҷомеа паст шавад. Илова бар ин, ҷинояткорӣ ба иқтисодиёт зарар мерасонад. Зеро давлат маҷбур мешавад маблағҳои зиёдро барои ҳифзи ҳуқуқ, тафтишот ва низоми судӣ сарф намояд.
Зӯровари дар оила – кирдори зиддиҳуқуқии қасдонаи дорои хусусияти ҷисмонӣ, рӯҳӣ, шаҳвонӣ ё иқтисодӣ, ки дар доираи муносибатҳои оилавӣ аз ҷониби як узви оила нисбат ба дигар узви оила содир шуда, боиси поймол шудани ҳуқуқ ва озодиҳои ӯ, расонидани дарди ҷисмонӣ ё зарар ба саломатии ӯ мегардад ё таҳдиди расонидани чунин зарарро ба вуҷуд меорад. Пешгирии зӯроварӣ дар оила – маҷмӯи чораҳои ҳуқуқӣ, иқтисодӣ, иҷтимоӣ ва ташкилии аз ҷониби субъектҳои пешгирикунандаи зӯроварӣ дар оила амалишаванда, ки ба ҳимояи ҳуқуқу озодиҳо ва манфиатҳои қонунии инсон ва шаҳрванд дар доираи муносибатҳои оилавӣ, ба пешгирии зӯроварӣ дар оила, муайян ва бартарафсозии сабаб ва шароитҳои ба он мусоидаткунанда равона карда шудаанд.
Нашъамандӣ кирдори ношоями инсон буда, инсонро аз ақл берун карда, ӯро ба ҳайвон мубаддал мегардонад ва оҳиста – оҳиста ӯро аз байн мебарад. Нашъа ба гурӯҳи моддаҳои наркотикӣ мансуб аст ва якчанд намуди моддаҳои наркотикӣ ба монанди героин, морфин, кодеин, кокаин, амфетамин ва ғайра мавҷуд аст . Моддаҳои наркотикӣ ба рӯҳияи одам хусусан ҷавонон таъсири бади психологи расонда одамро аз ҳаёт маҳрум месозад.
Аз ин лиҳоз, падару модарони арҷманд бояд рисолати муқаддаси худ тарбияи поктинативу зебопарастӣ, башардӯстию инсонпарварӣ ва заҳматкашиву ободкориро дар замири фарзандон идома дода насли навраси кишвари соҳибистиқлоламонро дар рӯҳияи ифтихори бузурги ватандорӣ ба камол расонанд.
Ҳамчунин дар рафти чорабинӣ вобаста ба баланд бардоштани ҳисси ватандӯстии ҷавонон ва баланд бардоштани маърифати ҳуқуқии умумишаҳрвандӣ ва риояи қоидаҳои будубош аз ҷониби муҳоҷирони меҳнатӣ дар давлати будубош суханронӣ карда шуданд.
Маркази матбуоти Хадамоти муҳоҷират
